香港電影分級制度
第Ⅰ級：適合任何年齡的人觀看;
·第Ⅱ級：兒童不宜觀看;其中：
·第ⅡA級：兒童不宜——在內容和處理手法上不適合兒童觀看;影片可能使用輕微不良用語和少量裸體、性暴力及恐怖內容，建議有家長指導;
·第ⅡB級：青少年及兒童不宜——觀眾應預期影片內容不適合成分的程度較第ⅡA級強烈;強烈建議家長給予指導;影片可能有一些粗卑用語及性相關的主語詞;可含蓄地描述性行為及在情欲場面中出現裸體;影片可能有中度的'暴力及恐怖內容;
·第Ⅲ級：只準18歲(含)以上年齡的人觀看。
香港電影分級制度係香港嘅電影分級制度，依照香港法例第392章《電影檢查條例》於1988年11月10日制定，分級主要依據觀眾年齡限制劃分為I、II、III三級;自1995年起因《電影檢查條例》修訂，所以將第II級再細分為IIA及IIB兩個級別，所以部份人會稱該電影分級制度為香港電影三級制(而該法例亦叫做《兒童不宜法例》)。
根據香港法例，擬喺香港上映、發行錄影帶或鐳射影碟嘅電影，都要送交香港影視及娛樂事務管理處(簡稱香港影視處)評級，並由該處處長核準。第III級錄影帶或影碟嘅包裝物，以及第III級影片嘅宣傳資料，喺發行或公開展示前，更須送交電影檢查監督核準。
所有經評級後嘅電影，無論係喺電影院上映，又或者係以鐳射影碟等媒體發行，必須展示由影視處發出嘅《電影檢查條例核準證明書》(簡稱「電檢紙」)副本。
分級嘅目的，係為咗保護18歲以下未成年人士，免受不良電影內容影響。咁做亦能夠協助家長為仔女揀電影。
第I及II級屬勸諭性質，並無法定年齡限制;IIA或IIB級嘅影片，影視處就鼓勵家長陪同及指導仔女觀看。第III級最為嚴格，唔可以賣飛畀18歲以下人士入戲院睇，法例容許驗票員檢查入場者嘅身份證。
除此之外，電影預告片、教育影片同文化影片亦須送檢，但唔使進行分級。
香港第一套被分為第III級嘅港產電影，係由牟敦芾執導嘅《黑太陽731》。
香港地區以外嘅人可能會誤解「III級電影」即係色情電影。其實，以充滿血腥暴力鏡頭、粗口對白、恐怖、描述喺社會內具爭議嘅道德價值等題材電影，亦會被評為第III級電影，同時裸露鏡頭可能出現喺非第III級影片。不過，分級制開始之時，一直只有過去被禁制嘅色情電影送檢，所以大眾至有咁嘅錯覺，直到《三狼奇案》送檢，係為第一部因為過度暴力而被評定為第III級嘅電影。
【香港電影分級制度】相關文章：
香港電影現狀分析08-17
香港電影經典臺詞11-04
分析香港電影沒落的原因08-17
香港電影爆紅的粵語歌曲08-08